Latest News

Party hrang hrang ten AMC-ah hnehna chan beisei

Nimin-a AMC inthlanna-a Vote thlak a nih hnuah MNF, Congress leh ZPM hruaitute chuan hnehna an chan ngei an inbeisei thu an sawi.

Nimin zing-a AMC inthlanna a Vote a thlak zawh hnua thuthar thehdarhtu ten an kawmna ah MNF President, Zoramthanga chuan State-a sawrkarna an chan hnua inthlanpui hrang hrangah mipuiin MNF-ah rinna an la nghah zel avangin AMC inthlan ah pawh hneh taka chakna chan an inbeisei thu a sawi a, “Kan tih that deuh phei chuan majority mai ni lovin 12/13 te pawh kan la thleng thei mai awm mang e tih beiseina te ka nei,” a ti.

MPCC President, Lal Thanhawla pawhin Congress Party boruak a that thu sawiin, beiseina an neih san thu leh Candidate an neih that avanga beiseina an neih san thu a sawi a. ZPM Leader Lalduhoma pawhin Politics-ah harh tharna a thleng ni bera a hriat thu sawiin, “Kan party hi kan phur a, kan activity pawh a sang hlein ka hria, programme pawh kan ngah ber a, a thawk pawh kan thawkrim. Beiseina pawh kan nei sang a, kan hlim hle a ni,” a ti bawk.

Comments

Popular News (Last 30 Days)