Latest News

Cricket Final khel dawn

Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.

Rulhut hlo pek beihpui thlak dan tur sawiho a ni

Nimin khan District Level Coordination Meeting on National De-Worming Day chu neih niin tun thla ni 22-26 chhunga National De-Worming Day hman dan tur an sawiho.

He thutkhawm Serchhip DC’s Meeting Hall-a neih hi District Bawrhsap, Kumar Abhishek chuan kaihruaiin Serchhip CMO, Dr. Laldawngliana Sailo chuan National De-Worming Day chu kum 2016 atanga kalpui a nih thu leh kumtin tum hnih, February thla leh August thla ah kum 1 atanga 19 te hnenah Rulhut hlo pek thin a nih thu a sawi a. Naupang leh tleirawl thanglai ten Rulhut an pai chuan thisen tlakchhamna leh natna dang te an vei theih avangin chutiang laka an him theihna tura Rulhut hlo pek chu he Ni hman in a tum ber a nih thu a sawi.

Serchhip CMO chuan kumdang ah chuan zirna In leh Anganwadi Centre-ah te Rulhut hlo hi pek thin a nih thu leh kum 1-19 te chu Rulhut hlo hi pek tur a nih thu a sawi a, kum kalta ah erawh hri leng avangin Anganwadi Workers leh ASHA te chu In tin-ah kalin kawtkai-ah Rulhut hlo hi pek a nih thu a sawi bawk.

He thutkhawm a tel te hian kumin a National De-Worming Day Launching Prog-ramme chu tun thla ni 22 khian Govt. H/S Serchhip-ah District Bawrhsap hova hman nise an ti a, hemi ni hian he School a Zirlai naupang te hnenah Rulhut hlo, Albendazole hi pek nghal a ni anga, midang zawng te chu ASHA ten an In-ah kal chilhin Rulhut hlo hi an pe chhunzawm dawn a ni. Kumin hian Serchhip District-ah kum 1 atanga 19 mi 21,095 te hnenah Rulhut hlo hi pek tura ruahman a ni.

Comments

Chhiar Hlawhte