Kawng siam hna zo thawkhat

Serchhip khawpui chhung paltlangtu National Highway-54 siamthat hna chu zawhfel thawkhat a ni ta.

Hun rei tak chhung Serchhip khawpui chhung paltlangtu National Highway-54 hi siamthat mumal a nih tawhloh hnuah nikum kumtawp lam atang khan siamthat hna hi thawh niin tunah chuan chhim lamah Sailiamkawn thlengin siamthat zawh a ni ta a, KRAM Infracon Pvt Limited hotuten kan palai zawhna chhangin Serchhip khawpui chhung kawngpui siamthat hna hi February ni 14 khan zawhfel niin hmun thenkhata hnathawh tha tawklo lai awm te siamthat leh Sesah lui kam vel PCC-a a chhun hna la thawh chhun-zawm leh tur ani dawn tih an sawi a, tun atanga hun reilote ah hna an thawk tan leh nghal dawn tih an sawi bawk.

Tarlan tawh angin NH. 54 laihzauh leh siamthat hna thawh mek hian Serchhip khawpui chhung a paltlang tawh dawnloh avangin kawngpui thar in a paltlang tawhloh tur zawng hi NHIDCL hnuaiah KRAM Infracon Pvt. Ltd. chuan a siamthat hna hi nikum Oct. 15 atang khan an thawk tan a, kawngpui siamthat tur hi KM 14.4-a thui a ni a, Chhiahtlang-ah KM 2.2 a thui leh Serchhip-ah KM 9.7-a thui a ni a, kawng siamthatna atan hian cheng vbc. 153.1 ruahman niin kawng siam hna thawktute chuan kawngpui enkawl hna hi kum 4 chhung an thawk zui dawn a, tunah hian Chhiahtlang lam hi thawh mek niin tunkar ah zawh hman beisei a ni bawk.