Hri kai hmuh belh awm rihlo

Kumin January ni 20 hnuah Serchhip District-ah COVID-19 hri kai hmuh belh la awm lovin hri leng avanga inkhunghrang pawh an tlem zel.

Serchhip CMO Office atanga thu kan dawn danin Serchhip District-ah hian COVID-19 hri kai mi 180 hmuhchhuah ni tawhin kumin-ah mi 2 hmuh an ni tawh a, January 20 khan hri kai pakhat hmuhchhuah niin hemi hnu hian Sample enfiah awm chho reng mah se hri kai erawh hmuh belh an awm leh rih lova, hri kai hmuhchhuah hnuhnung ber pawh hi enkawl dam ni tawhin tunah hian hri kai enkawllai an awm tawh lo bawk a ni.

Serchhip District-ah hian hri leng avanga State pawn lam atanga rawn lut khunghran pawh tlem chho zelin tun dinhmun ah mahni In lama inkhunghrang mi pakhat la awmin sawrkar hmunhmaa inkhunghrang mi 32 an la awm mek a ni.