Latest News

Minister in bungrua vailiam

Health Minister Dr. R. Lalthangliana chuan Inrinni khan Mamit tlawhin Mamit District Hospital, PHC, CHC leh Sub-Centre-a hman tur Mobile Medical Van, Essential Drugs & Diagnostic Kits & Laptops leh Speaker te a vailiam.

    Heng bungrua vailiamna puala inkhawm neih ah Health Minister chuan Mamit District chhunga cheng ten hriselna kawnga hma an sawn theihna tura hmanraw tangkai tak taka thuam an ni chu lawmawm a tih thu sawiin, Aspirational District atangin Mizoram District 11-te zingah pakhatna ni thei tura tan la turin a chah bawk.

He hunah hian bialtu MLA, Er. H. Lalzirliana pawhin Mamit District-in hriselna kawnga hma an sawn theihna tur leh Aspirational District an nihna atanga khaichhuah an nihna tura CSR hnuai atanga hmanraw tangkai tak tak lei a ni chu lawmawm a tih thu a sawi bawk.

Inrinni-a sem tak Bolero Camper (4WD BS-VI) 11 lei nan hian Rs. 1,04,50,000/- hman niin Motor-te hi Health Care delivery, a bik takin vaccination drive, Health Camp Conduct leh Awareness pekna tur bakah, kawng thatlohna hmun, motor naran in a thlen theih lohna khua te awlsam taka thlen theihna tur a ni a. Rs. 15,60,000/- senga lei damdawi chi hrang hrang 76 leh bungrua te chu Sub Centre leh Health & Wellness Centre-te hman turin a hlan nghal bawk a ni. He Project hian a tum ber chu Health & Welness Centre hi mi tam zawkin Health Care Services an dawn theihna tur leh a tlawhtute mamawh damdawi leh diagnostic kit te a thlawna pek a ni.

Inrinni vek khan Rs. 24,60,000/- senga lei Laptop leh Speaker 52, Mamit District chhung khua tlawh pawh harsa leh Health Care Facility nei thalo khuate tan awlsam zawka Health Care Provider te an biakpawh zung zung theihna turin Telemedicine atan Health Department hnenah hlan a ni bawk.

Comments

Chhiar Hlawhte