Latest News

DC pahnih ten inbiakna nei

Nimin khan Kolasib District Bawrhsap Pisa ah Kolasib District leh Cachar District thuneitute chuan inkawmna neiin ramri-a boruak ralmuang siam dan tur chungchang an sawiho.

He hunah hian Cachar DC, Keerthi Jalli-i chuan ramri a boruak ralmuang siamna kawnga Kolasib DC hmalakna ah lawmthu sawiin, inthlanna thianghlim leh felfai Assam ram-a a awm theih nan dan phalloh bungrua, ruihtheih thil leh pawisa tawlhluh ven a tul thu a sawi a. Hemi kawngah hian Ko-lasib DC nen thawhhona tha neih a pawimawh thu sawiin, inthlanpui neih tur atana inpuah-chahna kawngah lirthei indaihlohna a nasat thu a sawi a, hemi atan hian lirthei ruahman sak theih nise a duh thu DC Kolasib hnenah a thlen bawk.

He hunah hian Kolasib DC thawhhona tha nei tur chuan indawrtawnna langtlang tak neih a tul thu a sawi a, ramri-a boruak muanawm siam kawngah theihtawp a lo chhuahpui tur thu a sawi bawk.

He inkawmna ah hian District pahnih Deputy Commissioner te hi SP, Addl. DC, Addl. SP, Asst. Commissioner, DTO, DIPRO leh Official dang ten an tawiawm a, ramri a boruak muanawm a awm zel theihna turin thawhhona kalpui dan turte an sawiho bakah Asst. Commissioner, Cachar District, V. Aggarwal in lawmthu sawina hun a hmang bawk a ni.

Comments

Chhiar Hlawhte