Latest News

Zawlpui FMC in nikum ah Buh phur 5131 an thar

Serchhip Zawlpui phai-a leilet neitu inzawmkhawmna, Zawlpui FMC chuan nimin khan Assembly neiin kum 2020-ah buh phur 5131 an tharchhuak tih an sawi.

Zawlpui FMC Assembly hi Serchhip Saron Veng-a Vanbuanga In-ah neih niin an President, Kapthianga chuan a kaihruai a, an member Ralziki chuan hunserh hmangin mi tam takin Vaibuh ei aiin kan nghawng a te an ti thin a, Pathian malsawmna van dai tla kan dawng leh kan kutkawih ngei hlim taka kan thar chungah hian kan lawm a ni, a ti. He hunah hian an Member boral mi 4 sunna hun hmangin an Secretary, Thanhnuna chuan report a pe a, nikum 2020 chhungin buh phur 5131 an tharchhuah thu a sawi bawk.

He hunah hian an hruaitute atangin thusawi ngaihthlak a nih bakah rorelna neiin hruaitu an thlang nghal a, President-ah Zomuana Hnamte (Saron Veng), Vice President-ah Kap-thianga (Chhim Veng), Secretary-ah Lalnghing-lova (Dinthar Veng), Asst. Secretary-ah Thanhnuna (Chhim Veng), Treasurer-ah Sailopara, Leisang Veng leh Fin. Secretary-ah Lalbiak-tluangi (Ramthlun Veng) te thlan an ni. Zawlpui FCM-ah hian Zawlpui zau leh a chhehvel zau-a chhungkaw 60 vel an tel a ni.

Comments

Popular News (Last 30 Days)