Latest News

Hnam Run sa chhunzawm zel

Serchhip-a MNF Party Office, Mizo Hnam Run chu Serchhip Bial-a Assembly bye-election neih hma ngeia luah theih turin ngawrh taka sak mek a ni.

Serchhip Venglai-a MNF Party Office, Mizo Hnam Run tur sa tur hian July 1, 2019 khan Adviser to Chief Minister, C. Lalram-zauva chuan lungphum phumin hemi tuk atang hian a sak hna hi thawh tan a ni a, Mizo Hnam Run hi a dung ft. 24 leh a vang ft. 18-a zau ni tura ruahman niin RCC-a sak tura ruahman a ni a, nimin khan Serchhip khawpui chhunga MNF Block hruaitute leh Unit hrang hrang hruaitute chuan Slab chhun hnatlang neiin he hunah hian mi 100 dawn an thawkchhuak a ni.

MNF East Block Serchhip hruaitute chuan Serchhip-a Mizo Hnam Run sakna tur hian cheng nuai 60 senna tura estimate siam a nih thu sawiin, amaherawh chu he hnathawh enkawltute hian hlawh leh hlep nei lova hna an thawh avangin estimate zat hi an seng dawnlo tih an sawi a, Mizopa chhiar-a chhawng li-a sak tur hi building kawng an tur hi Serchhip-a Assembly by-election neih hmaa luahlut hman tura hma an lak mek thu an sawi a ni.

Comments

Chhiar Hlawhte