Myanmar atanga raltlan dawngsawng turin inpeih

Tunhnaiah thenawm Myanmar-ah mipui ten harsatna an tawh avangin ramri dep-a awm Mizoram khaw hrang hrangte chu thenawm ram atanga raltlan te dawngsawng thei turin an inbuatsaih mek.

   Myanmar nen ramri intawm KM 97-a thui nei Lawngtlai District-a Bawrhsap, Andrew H. Vanlaldika chuan tun dinhmun ah ramri chu uluk taka vil a nih thu sawiin, ramri dep-a awm Village Council leh Tlawmngai pawl te chu Myanmar ram buaina vanga mahni sahimna zawnga rawn lut an awm leh awmloh vilpui tura tih an nih thu a sawi a, tun dinhmun ah chuan Myan-mar ram atangin inhumna dil an la awmloh thu a sawi bawk.
    Hetihlai hian Champhai DC, Maria CT. Zuali chuan Myanmar-a sipai hlauh avanga Mizoram-a rawn tlan lut an awm leh awm loh DC Pisa-a hriattir turin Champhai District chhunga khaw hrang hrangte chu hriattir tawh bawk a, amaherawh chu tun thlengin Myanmar atanga raltlan report dawn erawh an la neilo thung a. Ramri hrula khaw awm – Farkawn, Zokhawthar leh Vaiphai khuaa khawtlang hruaitute pawhin Myanmar sipai hlauh vanga tuamhlawm ngai Zohnahthlak an awm chuan an tan an inhawng reng tih sawiin, Tuipuiral Group YMA Conference pawhin Myanmar-a Zohnahthlak tuamhlawm ngai an awm a nih chuan an inpeih reng tih an sawi bawk a ni.