Kohhran Bial Inkhawmpui nei

Serchhip-ah Kohhran hrang hrang te chuan nimin Pathianni hmang khan Bial Inkhawmpui an nei. UPC (NEI) Serchhip Bial Inkhawmpui vawi 55-na chu Inrinni atang khan New Serchhip UPC Biak In-ah neih a ni a, Inrinni khan Report ngaithlain rorelna hun hman a ni a, nimin khan chawhma leh chawhnu-ah Inkhawm nei lehin khawmpui hi an tiak a ni.

Mizoram Presbyterian Kohhran hnuaia Kohhran Hmeichhia chuan nimin Pathianni hmang khan Bial inkhawmpui an hmang a, Serchhip Pastor Bial Kohhran Hmeichhia te chuan Bial Inkhawmpui hi Serchhip Hmar Veng Kohhran Biak In-ah neiin New Serchhip Pastor Bial in New Serchhip Kohhran Biak In-ah leh Serchhip Vengchung Bial in Dinthar Kohhran Biak In-ah an nei a. Kumin hian Kristian Chhungkaw Golden Jubilee lawmna neih nghal niin, Bial thenkhatah chuan Inkhawmpui tan hma hian Jubilee dar vuakna hun hman a ni bawk.

UPC (Mizoram) Serchhip Bial Mission Department Inkhawmpui pawh Elim Kohhran Biak In, Serchhip Darnam Veng-ah neih a ni a, Speaker-ah Rev. Dr. Ngurthanpara Sailo, Secretary, Southern Zone Lunglei chu hman a ni bawk.