Chanchin thar thenkhat :

ZPM in Dan siam danglam tum

ZPM Leader, Lalduhoma chuan ZPM a sawr-kar hunah Municipal Act chu Constitution-in kan hnam mila siam danglam min phalsak ang ngeiin, kan hnam himna turin ennawn a ni ang tih nimin a ZPM AMC Ward-II Campaign Office hawnna ah a sawi a. Lalduhoma chuan Municipal chung-changa Assembly House-a Bill pulut hmasa ber chu khatih hunlaia ZNP te kha an nih thu sawiin, “MNF sawrkar hian duh lovin min pharthlak sak a ni,” a ti a. “Amaherawhchu, Central atanga sum lokal thei kha an it si avangin neih ve tul ni khan an hre si a, a kum leh maiah Assembly House-ah an rawn pu lut leh a ni,” a ti a. Tuna kan Municipal-ah hi chuan sumdawnna kawngah engmah invenhimna kan nei thei lo nia sawiin, Tribal ni lo te pawhin vote an nei thei tih a sawi a, “Hei hi MNF sawrkar Municipal min pek chu a ni a, chhuan chi a ni lo,” a ti bawk.

MNF sawrkar tir turin sawm

Health Minister, Dr. R. Lalthangliana chuan nimin khan AMC inthlanna neih tur atan nimin khan hmun hrang hranga Vantlang Inkhawm ah thu a sawi a, heng hmunah te hian Dr. R. Lal-thangliana chuan AMC chu MNF kutchhuak a ni tih sawiin, “A dintu MNF hian AMC kalphung leh nihphung a hria a, AMC awm dan tur chu a hrechiang ber. AMC hringtu dik tak State-ah Pu Zoramthanga kaihhruai a sawrkar mek tih hria ila, ruahmanna a siam thiam ang tih ring ngam ang u,” tiin AMC-a MNF sawrkar tir turin mipui te a sawm bawk.

Bawlhhlawh hmanga sum siam ah MPCC in puh

Mizoram Pradesh Congress Committee (MPCC) Media Cell Chairman Dr. Lallianchhunga chuan nimin khan Aizawl Press Club-ah thuthar thehdarhtute kawmin Aizawl Municipal Corporation hnuaiah bawlhhlawh hmanga mipui bumtu ten bawlhhlawh hmanga sum an siam thu an sawi a. Sawrkar laipui chuan Ministry of Urban Development kaltlangin bawlhhlawh paih chungchang ah ruahmanna a siam ngei na a MNF kaihhruai AMC sawrkar chuan sawrkar laipui ruahmanna anga kal tum ve deuh siin Aizawl khawpui Veng tam tak te bawlhhlawh paih dan inang lo tak tak a hman tir niin a sawi.

Lunglei-ah ruihhlo halral

Lunglei District chhunga Police ten ruihhlo an man Court lama tihfel tawh te chu nimin khan Lunglei Police te kaihhruaina in AP Tlang, Lung-lei-ah halral a ni a, heng ruihhlo man sa te hi Lunglei Sub-Hqrs. YMA President, Lalrotluanga chuan a halral a ni. Nimin-a ruihhlo halral te hi Heroin No. 4 gram 466.61 (Rs.14,06,000/-) man leh Ganja Kg. 2.185 (Rs. 6,000/-) man te niin a vaiin Rs. 14,12,000/- hu a ni.

Inkhawm theih tawh dawn

COVID-19 hripui leng avanga nikum March thla atanga Biak In hrang hrangah te inkhawm kalpui mumal theih a nih loh hnuah sawrkar in hri leng laka inkhuahkhirhna a thlahdul tak angin naktuk, Feb. 7, 2021 atang hian Pathian biak inkhawm neih leh theih a ni dawn ta a. Kohhran hrang hrang ten anmahni Kohhran theuh ah ruahmanna siamin Kohhran tam tak chuan in-khawm chhawk dan tur ruahman in Dan pang-ngaia inkhawm thei tur te pawh an awm bawk.

ZORO in pawi tih thu sawi

Zo Re-unification Organization (ZORO) chuan Myanmar-a mipui thlan rorelna Myanmar sipai ten tharum hmanga an chhuh leh ta chu pawi an tih thu thuchhuah siama tarlangin, Myanmar-a Zofate dinhmun an ngaihven reng thu an sawi a, hun harsa leh khirh taka lut leh mek ni mahse thlaphang leh chi-ai lo tura chahin, Myanmar awp mek Zofate tawrhna chu hmundanga Zofate tan tawrhna a nih thu leh Myanmar-a kan unaute chu theihtawp chhuaha pui turin an in huam reng thu an sawi bawk.