Hri kai hmuhchhuah thar awmlo; mi 2 an dam

Zonuna Kawlni /

Niminpiah-a Mizoram-a Sample enfiah atangin COVID-19 hri kai hmuhchhuah belh an awm lova, Mizoram-a hri kai hmuhchhuah tawh zawng zawng chu 4413 an ni.

Niminpiah khan Mizoram-ah Sample 791 enfiah a ni a, heng te hi ZMC Laboratory-ah Sample 24, District hrang hranga TrueNat Laboratory-ah Sample 29 leh Rapid Antigen Test hmangin Sample 738 te an ni a, heng atang hian COVID-19 hri kai hmuhchhuah thar an awmlo a ni.

Nimin khan Mizoram-ah COVID-19 hri kai mi 2 te chu enkawl dam niin heti hian nimin tlai dar 5:00 thleng khan Mizoram-a COVID-19 hri kai hmuhchhuah chu 4413 a ni tawh a, hri kai 4381 te chu enkawl dam ni tawhin hri kai hmuhchhuah atanga za zela 99.27 te chu enkawl dam an ni tawh a, tunah hian hri kai enkawllai 22 la awmin nunna chan mi 10 an awm tawh a ni.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »