Latest News

Boxing Training nei tan

Serchhip District Boxing Association (SED-BA) buatsaih thla 4 chhung awh tur Boxing Training, 'Operation May' tia vuah chu nimin tlai khan Serchhip District Bawrhsap, Kumar Abhishek chuan a hawng.

Serchhip Boxing Hall-a 'Operation May' hawnna hunah hian Serchhip District Bawrhsap, Kumar Abhishek chuan hetianga Boxing training buatsaih a ni chu lawmawm a tih thu sawiin, rah tha chhuah ngei se a duh thu a sawi a. Serchhip District atangin National mai ni lo, International thlenga Boxer hlawhtling an lo awm tawh thu sawiin, chutiang mi chu he training buatsaih atang hian chherchhuah ngei nise a duh thu a sawi bawk.

Thla 4 chhung awh tur he Boxing Training-ah hian Mizoram sawrkar-a Sports and Youth Services chuan Coach atan R. Lalbiaksangi, Aizawl chu rawn tirin amah hi kum 2014-a NIS Diploma zo tawh leh tawnhriat nei tha tak a ni a, a ho hian thla khat chhung training neih phawt tur niin hemi hnu hian Coach dang rawn ruahman chhunzawm tur a ni ang.

Comments

Chhiar Hlawhte