Latest News

ZNP in MNF thlawp dawn

Zoram Nationlist Party (ZNP) chuan Aizawl Municipal Corporation (AMC) inthlan lo awm turin rorellai party MNF an thlawp dawn.

ZPM atanga ZNP-a let leha ZNP Vice President, H. Lalrinmawia chuan nimin khan Aizawl Press Club-ah thuthar thehdarhtute hnenah MNF an thlawp tur thu hi puangin, theihtawp chhuaha Veng chhungah leh a tulna apiangah campaign beihpui an thlak tur thu a sawi a. “Bul erawh chu kan la tan lo a, kar tharah kan la ngaihtuah ang,” a ti. MNF an thlawp chhan tur thu sawiin, AMC-ah hian candidate tura an lo rim then-khatte hian rimtu neiin, a rimtu te lam hi party lian zawk te an nih avangin party te zawkin ken zawk mai tha an tih thu a sawi a. An mi duhzawng tak te an nih tho si avang khan chu'ng mite chu a mimal malin sawi thei lo mah se; an mi duh, an mi zawn a inan zel avangin rorel lai MNF Party Official Candidate te chu tun tum AMC inthlanah hian ZNP chuan an thlawp tur thu a puang a ni.

ZNP Vice President chuan ZPM atanga an chhuah chhan sawiin, Tangrual Pawl (Mipui sawrkar) tia Thawhhona Thuthlung an siam tirh khan ZPM chhungkuaa indona a tirte atanga awmin, chu indona chu Lalduhoma leh ZNP dah 'Nil' a nih thu a sawi a, “He operation hming vuahtu hi a nihna takah chuan Zoram Exodus Movement (ZEM) an ni,” a ti.

ZPM-a Party leh pawl tel zingah ZNP chu Recognise Party awmchhun an ni tih pawh ZNP Vice President chuan sawiin, Party Policy, Recognition nihna te, Property leh Party Hla te nena in surrender awmchhun a nih thu a sawi a, midang zawng ZPM-a an inchhun luh thu hi ZPM pisa-ah emaw, mipui hriatah emaw, vawikhat mah puan chhuah a la awm lo tih a sawi a. “Midang zawng hi Cawiin ni thlengin an la lut ve miah lo a. A lut ve lo ho hi a thu thuah an awm a ni,” a ti bawk.

Comments

Popular News (Last 30 Days)