Latest News

Bill lem hmanga sum la te hremna puang dawn

Kum 2006-a Disaster Management & Rehabilitation Department-a Silpauline leina anga tarlan Bill lem hmanga Rs. 35,85,000/- lakchhuah chungchangah Special Court (Prevention of Corruption Act) chuan mi 4 te thiamloh chantirin Vawiin hian heng mite hremna pek dan tur hi puanchhuah a ni ang.

    He thubuai chungchang ah hian Zirtawpni khan Special Court (Prevention of Corruption Act) Judge, Vanlalengmawia chuan thutlukna puangin thiamloh chantir te hi khatihlai-a DM&R Director, PC. Lalthlamuana; Cashier Lalhmingliani; LDC Vanlalhmuaka leh Silpauline Supplier, Thanzami Tochhawng te an ni. Thudawn danin June 23, 2006 leh July 3, 2006 chhung khan DM&R Department-ah Silpauline Bill lem hmanga Rs. 35,85,000/- lak nia hriat chungchang ah Aizawl Zarkawt Veng mi pakhat in Feb. 27, 2013 khan ACB-ah thubuai a thehlut a, ACB chuan he thubuai hi chhui zui nghalin Sept. 19, 2014 khan thubuai an chhuina, Chargesheet chu Court-ah an thehlut a, hei hi Court chuan uluk taka a ngaihtuah hnuah Zirtawpni khan thutlukna hi puangin he thil-ah hian heng mi pali te hi thiamloh a chantir a, heng mite hremna tur hi Vawiin hian puan a ni dawn a ni.
   Heng thiamloh chantir te hi kum khat aia tlem lo emaw, kum 7 thleng emaw lung In tan tir leh pawisafai chawitir-a hrem theih an ni.

Comments

Chhiar Hlawhte