Mizoram-ah hri kai thar leh dam pakhat ve ve awm

Niminpiah-a Mizoram-a Sample enfiah aTangin COVID-19 hri kai mi pakhat hmuhchhuah leh niin Mizoram-ah COVID-19 hri kai 4373 hmuhchhuah an ni tawh.

Niminpiah-a COVID-19 hri kai hmuhchhuah hi Rapid Antigen Test hmanga Sample enfiah 720 aTang niin Aizawl Zarkawt mi, School lut tur a nih avanga Sample enfiah a nihna ah hri a kai tih hi hmuhchhuah a ni. Niminpiah khan ZMC Laboratory-ah Sample 423 enfiah niin hri kai hmuhchhuah an awm lova, District hrang hranga TrueNat Laboratory-ah Sample 91 enfiah niin hri kai hmuhchhuah an awmlo bawk a ni.

Nimin khan Mizoram-a hri kai enkawl mi pakhat chu enkawl dam leh niin CCC aTanga chhuahtir a ni a, heti hian nimin tlai dar 5:00 thleng khan Mizoram-a Sample enfiah aTangin COVID-19 hri kai 4373 hmuhchhuah ni tawhin mi 4334 te chu enkawl dam an ni tawh a, hri kai hmuhchhuah aTanga za zela 90.10 te chu enkawl dam ni tawhin tunah hian hri kai enkawllai 30 an la awm a, hri kai zingah nunna chan mi 9 an awm tawh bawk a ni.