Latest News

Sum enkawl-ah AMC a hlawhchham niin sawi

Zoram Peoples' Movement (ZPM) chuan sum enkawl kawngah Aizawl Municipal Corporation (AMC)-a MNF swrkar chu a hlawhchham chiang hle nia sawiin, sawrkar leh tlakah an ngaih loh thu an sawi.

Nimin-a Aizawl Press Club-ah thuthar thehdarhtute an kawmna ah ZPM chuan, AMC-a MNF sawrkar pian hnu, kum 2016-17 aTanga kum 2019-2020 chhunga sum an hman dan sawiin, kum 2016-ah sum an hmuh zat chu Rs. 50,84,23067.04 niin an hman ral pawh zat heti zat tho a nih thu an sawi a. Kum 2017-ah an sum hmuh chu Rs. 80,71,21,119.18 ah pung chhoin; kum 2018-19-ah Rs. 83,29,51,739.45 leh kum 2019-2020 ah Rs. 91,43,08,730 hmu lehin, an sum hmuh tam ber hi an hmang zo deuh vek tih an sawi.

An sum hmanna hlawm lian Thenkhat zingah, Electricity Bill a sang fal hle nia sawiin, kum 4 (2016-2017 aTanga 2019-2020) chhunga Electric Bill-a an senso chu Rs. 50,98,990/- niin Internet bill bikah MNF AMC sawrkarin kum 4 chhung khan Rs. 92,39,448 an hmangral niin an sawi a. AMC-ah hian thawktu Official leh Staff 117 bakah, Councillor 19 chauh awm chungin, Medical atana an hman chu a tam uchuak hle nia sawiin, Rs. 2,26,29,708 a nih thu an sawi a, kum 4 chhungin Sationary atana Rs. 1,11,17,640 sen a nih thu leh Tours & Travels-ah ringawt pawh Rs. 1,15,33,037 sen a nih thu an sawi bawk.

Comments

Popular News (Last 30 Days)