Latest News

ZLP in Assam sawrkar hmalakna an dem thu an sawi

ZPM Legislatute Party chuan Mizoram mipui ten nghakhlel taka Zoramthanga kaihhruai sawrkarin ramri an chinfel hun kan lo ngaihchan laia Zophai lamah Assam sawrkarin kan ram chhunga kawng rawn laia hma an rawn la chu an dem takzet tih an sawi.

ZLP chuan Assam leh Mizoram ramri buaina lo chhuak thinah hian Mizo mipui ten buaina hi kan siam hmasa ngai lo tih sawiin, buaina chhuak hi Assam lam atanga chawh thawh a ni ziah chu demawm an tih thu sawiin, Ministry of Home Affairs in December 29, 2008-a a rang lama (urgent) Mizoram sawrkar hnena kan ramri buai chungchanga a ngaihdan thawn tura a tih hnuah tum 5 lai reminder an dawn tawh hnuah leh Cabinet Minister Meeting in BEFR 1873 hnuaia Inner Line of 1875 a pawm tawh hnuah pawh an ngaihdan sawi ngam lova kan sawrkar a ngawi reng chu pawi an tih thu an sawi bawk.

ZLP chuan tunhnaia buaina thlenga Zophai an tlawh-a an thil hmuh te zingah ramri buai lai an thlen hmaa Assam Police Service mi, kan ram chhung, an intihbuaina hmun thlen hma daiha amaha lo ding leh ngampa taka kal zel tawh lo tura a lo ti ve ringawt chu Zoram mipui zahlohna ah an ngai tih sawiin, Assam atanga Inteligence Bureau mi in party lam mi leh Press mi te hruaia Mizoram sawrkar remtihna nei lo leh min tih hming-chhiat tumna rilru nena an lo kal chu an duhloh thu leh an hnawhlet thu an sawi a. 1st IR Post chu sawn-a Baibawn tlang-a dah turin sawrkar an phut thu an sawi bawk.

Comments

Popular News (Last 30 Days)