Latest News

Mizoram-ah ni 2 chhungin hri kai pakhat hmuh a ni

Mizoram-ah COVID-19 hri kai hmuhchhuah zat an tlahniam zel a, Zirtawpni leh Inrinni-a Sample enfiah atangin hri kai hmuhchhuah mi pakhat chiah a awm a ni.

Zirtawpni khan Mizoram-ah Sample 747 enfiah niin hri kai pakhat hmuhchhuah a ni a, hri kai hmuhchhuah hi Rapid Antigen Test hmanga Sample enfiah 693 te atanga hmuh niin Aizawl Dinthar mi a ni a, Feb. 9, 2021 khan West Bengal atanga rawn haw in, hri lakah a fihlim tih tarlanna Certificate a neih avangin Mizoram a rawn thlen hian a Sample enfiah a ni lova, taksa-ah pawh insawiselna a nei lova, amaherawh chu Aizawl a thlen hnuah khawsik te nei-a a tlun avangin damdawi In-ah inentirin hetah hian a Sample enfiah a nih hnuah hri a kai tih hmuhchhuah a ni ta a ni. Zirtawpni khan ZMC Laboratory-ah Sample 41 enfiah niin District hrang hranga TrueNat Laboratory-ah Sample 13 enfiah a ni bawk a, hri kai hmuhchhuah erawh an awm lo thung a ni.

Inrinni khan Mizoram-ah Sample 485 enfiah niin hri kai hmuh erawh an awmlo thung a, ZMC Laboratory-ah Sample 62 enfiah niin District hrang hranga TrueNAT Laboratory-ah Sample 8 enfiah a ni bawk a, Rapid Antigen Test hmangin Sample 415 enfiah ni bawkin heng atang hian hri kai hmuhchhuah an awmlo a ni.

Inrinni khan Mizoram-ah hri kai enkawl dam awm lovin nimin khan mi 3 te chu enkawl dam an ni thung a, heti hian nimin tlai dar 5:00 thleng khan Mizoram-a hri kai hmuhchhuah chu 4392 niin heng zinga 4366 te chu enkawl dam an ni tawh a, hri kai hmuhchhuah atanga za zela 99.41 te chu enkawl dam niin tunah hian hri kai enkawllai 17 an la awm mek a, hri kai zingah nunna chan mi 9 an awm tawh bawk a ni.

Comments

Chhiar Hlawhte