Covid laka fimkhur taka Campaign turin sawm

Health Minister, Dr. R. Lalthangliana chuan AMC inthlan lo awm turah Covid laka fimkhur taka Campaign turin mitin te a sawm.

        AMC inthlan Campaign hawn programme nimin-a AMC Ward No. XV a neih a hmanpuina ah he thu hi sawiin Health Minister, Dr. R. Lalthangliana chuan Mizoram-a COVID-19 hri kai enkawllai an tlem tial tial tih a sawi a, sawrkar hnathawk, NGO, Kohhran leh Task Force-te thawhrimna Pathian in mal min sawm a, ramdang leh kan State thenawmte ang em em in kan tuar nasa ve lova, a lawmawm em em a ni, a ti a. “A tehna awm chuang lo mahse, Covid donaah hian Pu Zoramthanga kaihhruai sawrkar, MNF Ministry chu khawvel-ah a titha ber keima thlirna atang chuan kan ni chiang bal a, Khawvel ram hausa leh changkang, damdawi tha leh hmanraw nei thate an thih ruih ruih lai a kan him zel hi Covid do nan CM thilphal vang leh Minister/MLA-te pawhin theihtawpa an hmalakna vang a ni bawk a, sawrkar, NGO leh Kohhran te nen theihtawp tak meuha kan tanrual vang a ni,” tiin tun tuma AMC inthlan lo awm turah pawh Covid laka fimkhur taka Campaign turin mitin te a sawm a ni.