Latest News

Chapchar Kut la hre rihlo

Kumin March 5-a Chapchar Kut lo thleng tur chungchangah sawrkar thuneitu sang lam atangin engmah thuthar an la dawnloh thu Serchhip DC Office-a thawktute chuan an sawi.

Chapchar Kut hi sawrkar in ruahmanna a siam ang chuan kumin hian March 5 khian hman tur a ni dawn a, tun thla ni 2-a Chief Minister, Zoramthanga hova sawrkar mi pawimawh te thutkhawm ah COVID-19 hrileng avangin kumin Chapchar Kut chu kumdang anga ropui taka hman a theih loh thu tarlan a nih bakah mipui him tlan zawk theih nan TV leh internet kaltlanga an chhim theih tur programme buatsaih ni se tia  rel a ni tawh a. Serchhip DC Office-a thawktute chuan kumin a Chapchar Kut hman dan tur chungchang ah hian sawrkar hotu lian lam atangin engmah thuthar dawn an la neihloh thu an sawi a, kumdang ah chuan sawrkar in sum sanction te a neih laiin kumin ah chuan hetiang pawh hi ala awm loh thu leh hman tur leh hman loh tur chungchangah pawh thuthar ala awm loh thu an sawi a ni.

Nikum-a Serchhip-a Chapchar Kut hman a nih theih tak loh chungchanga zawhna chhangin Serchhip DC Office-a thawktute chuan Chap-char Kut hmanna atana sum ruahman te hi a tir ah an dawn ngai loh thu leh sum lo hmang pukin, a hnuah sum hi lakchhuah leh thin a nih thu an sawi a. Nikum-a Chapchar Kut hman a nih loh avang hian sum dawn an neih loh thu an sawi bawk.

Comments

Chhiar Hlawhte