Latest News

MUP te hnenah thilpek hlan

Mizoram Upa Pawl (MUP) Serchhip District te hnenah PC. Laltlansanga s/o PC. Lalhawia (L), Serchhip Hmar Veng chuan nimin khan damdawi (Vitamin), Chair leh Draught Board te a hlan.

MUP District Hqrs. Serchhip te hnena heng thilpek hlanna puala Inkhawm tawi neih ah PC. Laltlansanga chuan a pa a lo chan tawh thu sawiin, hei vang hian a pa hriatrengna atan upa te hnena Vitamin pek chu a ngaih pawimawh thu a sawi a. COVID-19 hri leng ah upa te chu pawn chhuak tam lo tura thu rawn an nih thu leh exercise te an lak tam theih si loh avangin Vitamin chu an mamawh a rin thu sawiin, heng te hi Serchhip, Serchhip North, Serchhip South, New Serchhip leh Thenzawl Area-a MUP member te hnenah semchhuah leh tur a nih thu a sawi bawk.

PC. Laltlansanga chuan kum 60 chin te tan MUP member a nih theih laiin kum 60 tlin hmaa thi tam tak kan awm si avangin MUP member nih chu a hlut zia kan hriat a tul thu a sawi a. MUP member ni-a an kum a tam avangin in tih Tar tur a nih loh thu leh an kum a tam avanga tawnhriat hrang hrang an lo neih tawh te chu anmahni tifingtu a nih zawk thu a sawi a. Thalaite pawhin kum upa te kan enkawl dan chu nakin-a kan tu leh fa ten min la enkawl ve dan tur a ni tih kan hriat a tul thu a sawi bawk.

Nimin-a MUP District Hqrs. Serchhip hnena thilpek inhlanna hun hi an President, CL. Ramngaia chuan kaihruaiin Vitamin bakah Plastic Chair (12) leh Draught Board te hlan niin MUP District Hqrs. hruaitu ten an dawng a ni.

Comments

Popular News (Last 30 Days)