Latest News

COVID-19 hri danna la thei chin zawng ten hri danna la vek turin Serchhip CMO in a sawm

Image
Serchhip District Chief Medical Officer Dr. Laldawngliana Sailo chuan COVID-19 chu theihtawp chhuaha kan do chung pawha kan do hnehloh a ni tih sawiin, chumi dona hmanraw pawimawh tak chu hri danna laka ni tih a sawi a, hri danna la thei chin te chu la vek turin a sawm bawk.

Serchhip DCSO in amah puhna thu diklo a nih thu a sawi

Serchhip District Civil Supply Officer (DC-SO), C. Zadailova chuan Serchhip-a Khawn-vartui dah tur hralh chungchanga a thu hmu-a thil ti anga sawi chu thu diklo a nih thu a sawi.

Serchhip District Consumers Association (SDCA) ten niminpiah-a thuchhuah siama Serchhip-a Khawnvartui dah tur rawn phurtu Driver in DCSO in kawng lakah Khawnvartui barel 10 a hralh tir thu leh, a man pawh Aizawl-ah DCSO a pek nghal thu a sawi tih an tarlan chung-changah Serchhip DCSO, C. Zadailova chuan he Tanker neitute hi Serchhip-a Khawnvartui dah tur hian a hrilh thu sawiin, Driver nen hian inbiakna an neihloh thu leh an inhmuh loh thu a sawi a, pawisa pawh a dil loh thu leh pawisa pawh Driver hian a pek loh thu a sawi bawk.

Serchhip DCSO chuan Tanker Driver hian Serchhip a thlen hnuah Khawnvartui kim lo chungchangah K.Oil Dealer te nen inhnialna an neih avanga amah hi a biak thu sawiin, Legal Metrology Inspector chu a enfiah tir thu a sawi a, hei bak hi Tanker Driver nen hian inbiakna an neihloh thu a sawi bawk.

Hetihlai hian tun tuma Khawnvartui rawn thleng enfiahtu K. Oil Dealer ten an koh, Serchhip Legal Metrology-a Inspector, Johny Zonunmawia chuan nimin khan he thil thleng a hmuh dan chu Legal Metrology-a Joint Controller hnenah hnenah a thehlut bawk a, he report a thehluh ah hian Khawnvartui pek tur a tlin loh dan a tarlan bakah Driver hian Silchar atanga KM 2 vela hla ah heng khawnvartui te hi a hralh thu a sawi tih a tarlang a ni.

Comments

Chhiar Hlawhte