Serchhip District-a kum 5 hnuailam mi 5399 hnenah Zeng hri danna pek an ni

Ramchhung hmundangte rualin nimin khan Serchhip District-ah pawh naupang kum 5 hnuailam te hnenah Zeng hri danna pek beihpui thlak leh a ni.

 India ram aTanga Zeng hri umbo beihpui thlakna kal zelah nimin khan Zeng hri danna hi naupang kum 5 hnuailam te hnenah pek leh niin Serchhip District-ah chuan hri danna pek bulTanna hi New Serchhip Health Sub-Centre ah nimin zing khan District Bawrhsap, Kumar Abhishek hovin neih a ni a, he hunah hian Serchhip CMO, Dr. Laldawngliana Sailo chuan Zeng hri chu India ram aTanga umbo a nih tawh thu leh kan ram Thenawma a la awm avanga inven zui zel nana vaccine te chu kalpui zel a nih thu a sawi a. District chhung khaw tinah hri danna pekna atan hian Booth siam niin, Booth 73-ah nimin zing aTang khan hri danna hi pek a nih thu a sawi a. ASHA, Anganwadi Workers te leh Health Department thawktute Tangho in a dawng tur naupang ten kim taka an dawn ngei nan ruahmanna siam a nih thu sawiin, Booth-a la ve lo te pawh an ina kalchilhin pek vek tura ruahmanna siam a nih thu a sawi bawk.

Intensified Pulse Polio Immunisation Programme 2021 hawnna Serchhip-a neih ah hian District Bawrhsap chuan he huna tel tura thlan naupang te hnenah hri danna hi a pe nghal a, he hunah hian District Immunization Officer, Dr. Lalhlunpuii leh Serchhip CDPO, Lalbiakliana bakah thawktu dang te an tel a ni.

Tun Tumah hian Serchhip District-ah hian naupang kum 5 hnuailam mi 5518 te hnenah Zeng  hri danna hi pek tura ruahman a ni a, nimin khan 5399 te hnenah hri danna hi pek hman niin hri danna la pek loh te pawh hi ASHA leh Anganwadi Workers ten Vawiin lamah an In-ah Theuh kal chilhin hri danna hi pek chhunzawm a ni leh dawn a ni.