Serchhip-ah Heroin man leh

Zirtawpni zan khan Serchhip Police te chuan Serchhip-ah Heroin No. 4 leh a neitu nia puh mi pahnih te an man.

Serchhip Police Station atanga thu kan dawn danin Serchhip Police te hian an thudawn bawhzuiin heng ruihhlo te hi an man tih an sawi a, ruihhlo kawltu nia puh te hi Serchhip leh Lunglei inkar-a lehlang-a tlan thin Maxi Cab hmanga Lunglei atanga Serchhip a an lo haw chu Zirtawpni tlai dar 5:00 bawr vel khan Serchhip Sailiamkawn-ah lo nangchingin, Serchhip Police Station-a hruai an nih hnuah dapin an kut atang hian heng ruihhlo, Heroin No. 4 gram 9.43-a rit hi an mansak ta a ni.

Ruihhlo neitu nia puh te hi Lalruatsanga (19) leh Lalrinchhana (21), Serchhip Dinthar Veng a cheng nia insawi te an ni a, Police ten thu an zawhfiahna atangin tualchhung a zawrh chhawn leh turin Lunglei lam ami ruihhlo te hi an la tih an sawi a. Ruihhlo neitu nia puhte hi thubuai siam sak nghal niin Inrinni khan Court-ah hruai an ni.