Latest News

Cricket Final khel dawn

Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.

Mizoram-ah hri kai thar leh dam 1 ve ve awm

Niminpiah khan Mizoram-ah Sample 731 enfiah niin heng atang hian COVID-19 hri kai mi pakhat hmuh a ni.

Niminpiah-a hri kai hmuh thar hi Rapid Antigen Test hmanga Sample enfiah 701 atanga hri kai hmuh niin Zemabawk mi a ni a, Damdawi In-a awm tur enfiah atanga hri kai hmuhchhuah niin hri kai lanchhuahna nei a ni a, hri a kaina chhui mek a ni bawk. Niminpiah khan ZMC Laboratory-ah sample enfiah a awm lova, District hrang hranga TrueNat Laboratory-ah Sample 30 en niin hri kai hmuh an awmlo bawk a ni.

Nimin khan Mizoram-a hri kai enkawl mi pakhat chu hri lakah fihlimin anmahni enkawlna hmun atanga chhuahtir leh a ni a, heti hian nimin tlai dar 5:00 thleng khan Mizoram-ah hri kai hmuhchhuah chu 4396 niin an zinga 4369 te chu enkawl dam an ni ta a, hri kai hmuhchhuah atanga za zela 99.38 te chu enkawl dam ni tawhin tunah hian hri kai enkawllai 17 an la awm mek a, hri kai zingah nunna chan mi 10 an awm tawh bawk a ni. 

Comments

Chhiar Hlawhte