Latest News

Cricket Final khel dawn

Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.

Serchhip District-ah Sample 6720 enfiah tawh

Nimin thleng khan Serchhip District-ah Sample 6720 enfiah ni tawhin heng atang hian COVID-19 hri kai 180 hmuhchhuah an ni tawh a. Serchhip District-ah hri kai mi 412 enkawl dam an ni tawh thung.

Serchhip CMO Office atanga thu kan dawn danin Serchhip District-ah hian hri leng avangin nikum May 28 atang khan Sample lakkhawm leh enfiah hna hi kalpui nghal niin nimin thleng khan sample 6720 enfiah a ni tawh a, heng Sample enfiah atang hian COVID-19 hri kai hmuhchhuah chu 180 an ni tawh a, heng zinga 179 te chu enkawl dam niin hri kai zingah nunna chan mi pakhat a awm thung a, kumin January 20 hnu lamah Serchhip District-ah hri kai hmuh belh awm tawh lovin hri kai enkawllai pawh tun thla atang khan an awm tawhlo a ni.
    Serchhip District atang hian ZMC Laboratory-ah Sample enfiah tur 1137 thawn ni tawhin heng atang hian COVID-19 hri kai mi 10 hmuhchhuah an ni a, Serchhip District-a TrueNat Laboratory-ah Sample 2591 enfiah niin hri kai 101 hmuhchhuah an nih bakah Rapid Antigen Test hmangin Sample 2992enfiah niin hri kai 180 hmuhchhuah an ni bawk a ni.
    Serchhip District-ah hian COVID-19 hri kai mi 180 hmuhchhuah ni tawhin 179 te enkawl dam niin nunna chan 1 a awm tawh a ni.

Comments

Chhiar Hlawhte