Latest News

Cricket Final khel dawn

Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.

Sum leh pai enkawl kawnga hlawhchham ah puh

Congress Party MLA, C. Ngunlianchunga chuan sum leh pai enkawl kawngah MNF chu a hlawhchham niin an sawi.

Nimin-a Aizawl Press Club-a thuthar thehdarhtute an kawmna ah Congress Party MLA, C. Ngun-lianchunga chuan Zoramthanga kaihhruai MNF sawrkar kan hrawn mek chu sum leh pai enkawlna kawngah a hlawhchham chiang hle tih sawiin, hei hi sawrkar awm tawh zawng zawng zingah sawrkar hnathawkte hlawh pe thei lo-a puk saktu hmasa ber a nihna ah te, sawrkar hnathawk nghet te hlawh pawh a hun takah an pek theihloh ah te, sawrkar hnathawk pension in chhuahpui tur an neih theihloh ah te, Contractor ten bill an la thei lo ah te, Sawrkar hnathawk ten GP Fund-a anmahni pawisa khawlsa takngial pawh an la theilo leh Mizoram sawrkar Treasury Office hrang hrangah pawh nitin-a bill pekchhuah theih zat a tlem hle ah te a lang tih a sawi.

Ngunlianchunga chuan hetiang taka sum leh paia talbuai sawrkar hi Mizoram-ah an la awm ngai lo nia sawiin, “A tlaran zawnga ram rorelna an kalpui avangin Congress Ministry liamta in Mizoram sawrkar sum leh pai uluk taka enkawl a, dinhmun him taka a lo dah tawh chu MNF sawrkar hian a ti chhe ta vek a ni,” an ti a. “MNF sawrkar hian sum thawhchhuah lam a ngaihtuah lo a, Congress sawrkar khan Mizoram hi thawhchhuah nei State a siam tumin theihtawp a chhuah a, MNF erawh chuan kutdawh State-ah min chhuah leh ta mek zawk a ni,” an ti bawk.

AMC inthlan kan hmachhawn mekah ZPM Party chu “Min enchhin ve rawh u” tiin mipuiah an inzuar mek tih pawh sawiin Ngunlianchunga chuan, “ZPM chhunga an hotu tam takte hi mipuiin kan enchhin tawh hnu te, kan duhloh a kan paih leh tawh hnu te, enchhin hrim hrim atan pawh-a kan thlan duh loh hnute an ni,” tiin “Ram rorelna hi thil pawimawh lutuk a nih avangin in enchhinna (experiment) hmun tur a ni lo,” an ti bawk.

Comments

Chhiar Hlawhte