Latest News

LADC-a MNF sawrkar Dan lova che-ah LDCC in puh

Lai District Congress Committee (LDCC) Lawngtlai chuan LADC-a MNF sawrkar chuan Sawrkar kalphung, Dan leh dun pawh zah lovin rambuai lai ang maiin rorelna an kalpui mek niin an sawi.

Nimin a thuchhuah an siamah LDCC chuan Lungpher VC Member, B. Chan-chinmawia chu VC a thlantlin a nih atangin Village Council thutkhawmah vawi 10 chuang neih ah a tel duh ngailo nia sawiin, Lai Autonomous District (Village Council) Act 2010 Bung 5(2) in a sawi angin VCP in a member nihna a hlih sak thu leh, hei hi LADC Executive chuan June 1, 2020 khan ngun taka a zirchian hnu hnuah nemnghetin B. Chanchinmawia seat hi Dan-in a sawi angin seat ruaka puan nghal a ni tih an sawi a.

Hetihlai hian Local Administration Department lehkha tihchhuah angin VC member atanga B. Chanchinmawia ban a nihna hi revoke (sut) sak a nih thu tarlangin LDCC chuan, “Kan VC Dan hmanlai, Lai Autonomous District (Village Council) Act 2010-ah hian Revoke theihna Provision siam pawh ni si loa, hetia an duh dan ang anga VC Dan an pawngsual ta mai leh party hamthatna tura Dan an kuai her hi lungchhiat thlak kan ti,” tiin hetiang anga Dan zahlohna leh pawngsualna hi thleng nawn tawh lo se an duh thu leh Revoke-a lehkha pawh hi cancel leh an phut thu an sawi bawk a ni.

Comments

Chhiar Hlawhte