VLTF ten hri danna la tan

Serchhip District-a COVID-19 hri leng dona kawnga thawktu zinga Village Level Task Force (VLTF) Member te hnenah nimin atang khan COVID-19 hri danna pek tan a ni ve leh ta.

Serchhip District chhunga COVID-19 hri leng dona kawnga thawktute hnena COVID-19 hri danna, Covishield pek hna thawh chhunzawm mekah Vawiin atang khan Village Level Task Force (VLTF) Member te chu hri danna hi pek tan an ni a, hri danna hi Presbyterian English School Annexe, AOC Veng-ah pek niin nimin khan mi 150 pek tura ruahman ah mi 118 te pek an ni a, nimin vek khan Ngentiang khua ah pawh VLTF Member mi 6 te chu COVID-19 hri danna hi pek an ni bawk. Nimin-a hri danna la te zingah hian District Level Task Force-a Member te pawh an tel bawk a ni.

Serchhip District-ah hian kumin January 21 atang khan COVID-19 Vaccine hi pek tan niin a tirah Health Care Workers te hnenah Vaccine hi pek a ni a, Inrinni atang khan hri leng dona kawnga thawktu (Frontline Workers) te hnenah hri danna hi pek leh niin hei hi kalpui mek a ni a, hri danna la hmasa ber te hi hri danna an lak atanga ni 28 a ral tawh avangin karleh lam khian a Dose 2-na pek leh tura ruahman mek a ni bawk.