Latest News

Sial vulhtute tanpuina hlan

Serchhip District chhunga FOCUS hnuaia Sial vulhna khaw panga-ah Ningani khan tanpuina semchhuah a ni.

Fostering Climate Resilient Upland Farming System in the North East (FOCUS) hnuaia Serchhip District chhunga Sial vulhna khaw panga- Leng, Sailulak, Lungkawlh Hmawngkawn leh Khawbel-a Sial vulhtute hnenah Ningani khan Serchhip-a AH&Vety Department te chuan Sial tui pekna tur leh a In sakna tur cheng nuai 4.5 theuh an pe a, heng khaw panga a Sial vultute chu an lawm hle nia thudawn a ni.

Serchhip District AH&Vety Officer, Dr. C. Zarzokima chuan heng khaw 5-a Sial vulhtute hmunhma hi a hmunah a tlawhchhuak tih sawiin, heng an Sial vulh te hian mi huan thlai an tihchhiat thin avangin a hungna tha an mamawh tih an hmuhpui angin Barbed Wire Roll 125 theuhvin heng khaw 5-a Sial vulhtute hnenah hi an pe tih a sawi a, tui in tura hla tak tak kal a ngaih thin avanga an harsatna sutkian nan Sial tuikhur pawh khaw khatah hmun li zel ah siam anih thu a sawi a ni.

Dr. C. Zarzokima chuan Sial vulhtute hmalakna a hmuhin a lawm hle tih a sawi a, Sial vulh a pun zel thute sawiin, sawrkar in ti tura a tih aia tha a hmalakna an nei mek chu chhuan-awm a tih thu leh ran chaw Chi lama harsatna an tawh mek pawh Department in hma a lakpui zel dawn thu a sawi bawk.

Comments

Popular News (Last 30 Days)