Latest News

Cricket Final khel dawn

Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.

Frontline Worker te hri danna pek chhunzawm an ni

Serchhip District chhunga COVID-19 hri leng dona kawnga a hmatawng-a thawktute hnenah COVID-19 Vaccine pek hna kalpui mek zel niin nimin khan Serchhip Police leh BSF sipai te bakah Assam Rifles te chu hri danna hi pek an ni.

Inrinni kalta-a Serchhip District-a COVID-19 dona kawnga a hmatawng-a thawktute hnena Vaccine pek hna kalpui tan a nih hnuah Pathianni khan BSF Sipai te hnenah hri danna hi pek leh niin nimin khan Serchhip Police te hnenah hri danna hi pek leh a ni a, Inrinni khan Assam Rifles mi 100 te chu hri danna hi pek niin Pathianni khan Assam Rilfes mi 86 hnenah hri danna hi pek leh a ni a, nimin khan Assam Rifles mi 34 te hri danna pek leh niin Assam Rifles mi 220 chu hri danna pek an ni tawh a ni.

Pathianni khan BSF Sipai te hnenah hri danna pek tan niin mi 100 hnenah pek a ni a, nimin khan BSF Sipai mi 45 te hnenah hri danna hi pek leh niin mi 145 pek an ni a ni tawh a. Nimin vek khan Serchhip-a Police te hnenah Vaccine pek hna hi kalpui leh niin mi 71 te hnenah hri danna hi pek an ni bawk. Heti hian nimin thleng khan Serchhip District-a Frontline Worker mi 436 te hnenah hri danna hi pek a ni tawh a ni.

Comments

Chhiar Hlawhte