Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

VC inthlanpui hnuhnung berah SEC in mi 242 atangin complaint a dawng

LAD Minister K. Lalrinliana chuan Mizoram Village Council inthlan neih hnuhnung berah thil fello awm nia hriatna State Election Commission-ah Complaint thehlut mi 242 an awm thu ziakin House a hrilh a. Inthlan buaipuitu Official te hrem an awm loh thu a sawi bawk.

Assembly Session neih mekah LAD changtu Minister, K. Lalrinliana chuan eptu Member, VL. Zaithanzama zawhna ziaka chhangin he thu hi a tarlang a, nikum-a Village Council inthlan ah khan State Election Commission chuan inthlan kaihhnawiha lungawilohna mi 242 atanga a dawn thu sawiin, Mizoram Village Council inthlan neih hnuhnung berah thil fello awm nia hriat avanga State Election Commission-a complaint thehluh ah thil danglam a awm thu a sawi a. Heng te hi North Vanlaiphai VC, Serchhip District-ah General Election neih taka Election petition bawhzui Election Tribunal chuan Re-Poll a rawt a, Re-Poll neih a nih hnuah a hmaa tlin Rebecca Lalrinkimi (MNF) aiah Lalbiakmawii (MNF) a tlin thu a sawi a. Tawipui North-II VC, Lunglei District result chhiarthat ah a hmaa tlinga puan, T. Lalhnehzova (Independent) aiah Ramnunmawia (Independent) a tling a, Darlawn Venghlun VC, Aizawl District General Election-a tlinga puan tawh Lalruatkimi (MNF) chu Re-Poll neihah tling zo lovin Lalhmingmawii (ZPM) a tling bawk a ni.

Result danglamna hmuna inthlan buai-puitu Official te hrem an awm loh thu LAD Minister chuan a sawi a. North Vanlaiphai-ah hian State Election Commission chuan chhui chiang turin Inquiry a ruat a, report dawn ala nih loh thu sawiin, Tawipui North-II a Official Duty te hian tum reng vanga tisual an ni lova, Dan-in a phal angin chhiar nawn lova thum vawr-a tling a puan vang a ni a, sawrkarin hremna lekkawh kher a tul a tih loh thu a sawi. Darlawn Venghlun-a Duty te erawh Returning Officer nilai chu COVID-19 avangin Quarantine a tul a, chawp-chilh taka thlak a nih avanga tihsual palh a niin sawrkarin hrem a tulna hriat a nih loh thu Minister hian a sawi bawk a ni.

Comments

Popular News (Last 30 Days)