Latest News

Hri kai mi 62 hmuh belh leh

Nimin khan Serchhip District-ah COVID-19 hri kai mi 62 zet hmuhchhuah belh leh an ni a, hri kai hmuhchhuah thar zinga a tam zawk te hi Serchhip khawpui chhung ami te niin Khaw-bel-ah mi 13 hmuh belh an ni a, Thenzawl-ah pawh hri kai pakhat hmuh a ni bawk.

SEC thutkhawm hmasa nei

Serchhip Sub-Hqrs. YMA hruaitu thlanna neih a nih hnuah Sub-Hqrs. YMA Executive Member tur ruatchhuah niin Committee peng hrang hrang inruatchhuah mek a ni.

Zirtawpni kalta-a kum 2021-2023 chhunga Serchhip Sub-Hqrs. YMA hruaitu thlanna neia hruaitu thar ten mawh-phurhna an lak hnuah YMA Dan Bu in SEC member mi 10 ruatchhuah a phal sak angin tun term-a OB thukhawm hmasa ber chuan SEC Member tur mi 10 hi an ruatchhuak a, SEC member atan hian R. Sanghmingthanga, Chhekhnai Branch; R. Lalhmunsiama, P&E Veng Branch; V.Tlangthuama, Serchhip Kawnpui South Branch; H. Lalrinawma, Chhiahtlang Kawn Veng Branch; R. Chalhmingliana, Serchhip Kawn-pui North Branch; C. Thangzama, Serchhip Dinthar Branch; V. Lalrintluanga, Serchhip Field Veng Branch; Ramdinmawia Ralte, New Serchhip Venglai Branch; Zonunsanga Kawlni, Serchhip Chanmari Veng Branch leh H. Lalbiakhlua, Serchhip Hmar Veng Branch te chu ruat an ni.

Hetianga SEC Member tur ruatchhuah an nih hnu hian nimin chawhnu khan SEC thut-khawm hmasa ber chu Sub-Hqrs. YMA Meeting Hall-ah neih nghal a ni a, he hun hi Sub-Hqrs. YMA President thar, Kawlthuama chuan kaihruaiin he hunah hian kumin 2021 atana Sub-Hqrs. YMA hnuaia Committee hrang hrang din dan tur leh hruaitu turte ngaihtuah a ni a, kumin atan hian Committee peng 14 ruatin hruaitu tur Chairman leh Secretary ruat theuh an ni a, hei bakah hian SEC Member mi 10 te hian heng Committee te hi telpui theuh se an ti a ni. Heng Committee peng hrang hrang hruaitute leh Branch aiawhte nen-a SEC Meeting hmasa ber chu tun thla ni 20 khian neih nise an ti bawk.

Comments

Chhiar Hlawhte