Hri kai enkawl awm tawhlo

Zonuna Kawlni /

Serchhip District-a COVID-19 hri kai enkawl pakhat chu Inrinni khan enkawl dam leh niin Serchhip District-ah hri kai enkawllai an awm tawh rihlo.

Serchhip District chhunga ni 18 chhung zet COVID-19 hri kai hmuhchhuah an awmloh hnua January ni 20 khan Serchhip District-ah COVID-19 hri kai mi pakhat hmuhchhuah leh a ni a, he hri kai hmuhchhuah hi Serchhip Nursing School CCC-a enkawl a nih hnuah Inrinni khan a Sample enfiah leh niin hri laka a fihlim leh tak avangin Inrinni khan CCC atang hian chhuahtir a ni leh ta a, heti hian tun dinhmunah Serchhip District-ah COVID-19 hri kai enkawl an awm leh tawh rihlo a ni.

Serchhip District-ah hian nimin thleng khan COVID-19 hri kai hmuhchhuah mi 180 an awm tawh a, an zinga mi 179 te chu enkawl dam niin hri kai zinga mi pakhat in nunna a chan thung a ni.

Serchhip District-ah hian tun dinhmun ah hri leng avanga mahni In lama inkhunghrang mi 9 an la awm mek a, sawrkar hmunhma a inkhunghrang mi 35 an la awm bawk a ni.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »