Latest News

Hri kaina hriatchian loh mi 2 hmuh leh an ni

Niminpiah khan Mizoram-ah COVID-19 hri kai mi pahnih hmuh leh niin hri kaina hriatloh leh chhuizui ngai an ni.

        Niminpiah khan Mizoram ah Sample 601 enfiah leh niin Rapid Antigen Test hmanga Sample 507 enfiah atangin hri kai mi pahnih te hi hmuh an ni a, Lunglei District-ah Hostel-a lut tur mi pakhat chu hri a kai tih hmuhchhuah niin Lawngtlai-ah mi pakhat chu taksa-a natna hri kai lanchhuahna a neih avanga a Sample enfiah a nih hnuah hri a kai tih hmuhchhuah a ni bawk. Niminpiah khan ZMC Laboratory-ah Sample 62 enfiah niin District hrang hranga TrueNat Laboratory-ah Sample 32 enfiah a ni bawk a, heng atang hian hri kai hmuhchhuah erawh an awmlo thung a ni.

Nimin khan Mizoram-a hri kai enkawl mi 2 te chu hri lakah an fihlim avangin anmahni enkawlna hmun atanga chhuahtir leh an ni a, heti hian nimin tlai dar 5:00 thleng khan Mizoram-ah hri kai hmuhchhuah tawh chu 4390 niin an zinga 4361 te chu enkawl dam an ni tawh a, hri kai hmuhchhuah atanga za zela 99.33 te chu enkawl dam ni tawhin hri kai enkawllai 20 an la awm a, hri kai zingah nunna chan mi 9 an awm tawh bawk a ni.

Comments

Chhiar Hlawhte