Mizoram-ah COVID-19 hri kai mi 6 hmuh belh leh

Zonuna Kawlni /

Niminpiah-ah Mizoram-a Sample enfiah 1023 atangin COVID-19 hri kai mi 6 zet hmuhchhuah leh an ni.

Niminpiah-a hri kai hmuhchhuah te hi Rapid Antigen Test hmanga Sample enfiah 968 te atanga hmuh te vek niin an zinga 4 te chu Lawngtlai District ami an ni a, Hostel luh dawn avanga Sample enfiah atanga hri kai hmuh vek niin Aizawl leh Champhai District-ah hri kai pakhat ve ve hmuh an ni bawk. Niminpiah khan ZMC Laboratory-ah Sample 20 enfiah niin hri kai hmuh an awm lova, District hrang hrangah TrueNat Laboratory-a Sample enfiah 35-ah hri kai hmuh an awmlo bawk.

Nimin khan Mizoram-a hri kai enkawl mi pakhat chu enkawl dam a ni ve leh a, heti hian nimin tlai dar 5:00 thleng khan Mizoram-a hri kai hmuhchhuah chu 4405 ni tawhin an zinga 4373 te chu enkawl dam an ni tawh a, hri kai hmuhchhuah atanga za zela 99.27 te chu enkawl dam ni tawhin hri kai enkawllai 22 an la awm mek a ni.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »