Sub-Hqrs. YMA Rorel Inkhawm April 22-ah neih rel

Serchhip Sub-Hqrs. YMA chuan Conference neihloh kum-a neih thin Sub-Hqrs. YMA Rorel Inkhawm vawi 3-na chu April 22, 2021 khian neih nise an ti.

Serchhip Sub-Hqrs. YMA hian Inrinni khan an President, Kawlthuama kaih-hruaina hnuaiah SEC thutkhawm neiin Sub-Hqrs. YMA Rorel Inkhawm neih chungchang hi an sawiho a, kumin hi Sub-Hqrs. YMA Conference neihloh kum a nih avangin Conference neihloh kum-a neih thin Rorel Inkhawm hi April 22 khian neih nise tiin a thleng duh tan March 15, 2021 thleng dilna thehluh theih nise an ti a, he Rorel Inkhawm-a ngaihtuah tur Agenda thehluh duh nei Branch leh Group YMA te tan March thla chhungin thehluh theih nise tih a ni bawk.

He thutkhawm ah hian Serchhip Sub-Hqrs. YMA hnuaia kumin atana Committee peng hrang hrang ruat ten an member tur atana rawtna an siam chu thlirin siamthat ngai te siamthain a tlangpui-a pawm a ni a, kum 2019-2021 Sub-Hqrs. YMA sum Audit Report chu ngaihthlak niin hrilhfiah ngai te inhrilhfiah in pawm a ni bawk.