Latest News

Hnahthial-ah ‘Adolescent Health Day’ hman a ni

Rashtriya Kishor Swasthya Karyakram (RKSK) Programme hnuaiah nimin khan Govt. Higher Secondary School Hnahthial-ah ‘Adolescent Health Day’ hman a ni.

Hnahthial-a Adolescent Health Day hman hi District Bawrhsap, Vanlalmawia chuan khuallian nia hmanpuiin, “Pathian in keimahni theuhah thiamna leh theihna sang tak a dah theuh a, chumi par chhuah tir tur chuan a man kan pek ve a ngaiin kan hun leh tha kan sen a ngai a ni,” a ti a. Khawvel-ah hian Resources tam tak a awm thu leh chung zingah chuan Human Resource chu a ropui ber thu sawiin, “Resource tam tak chu a nihna ang ngawt chuan a hman theih lova, develop a ngai a, chumi tur chuan mihring kan pawimawh a ni. Kan taksa hi Pathian in thil ropui tak tih nan a siam a, chu chu develop a nih loh chuan lei hnuaia rangkachak inphum ang chauh a nih avangin zirna hmang te NGO leh Sakhua angte in kan in develop a ngai a ni,” a ti bawk.

He hunah hian Hnahthial SP, Lalbiakliana chuan Social Media hman chungchangah zirlai naupangte hriattur pawimawh sawiin, Hnahthial DEO, Mickey Lalenkawla, Medical Officer Dr. Zosangliani leh Dr. R. Lalsanglura te pawhin thu an sawi bawk a ni.

Comments

Chhiar Hlawhte