Latest News

COVID-19 hri danna la thei chin zawng ten hri danna la vek turin Serchhip CMO in a sawm

Image
Serchhip District Chief Medical Officer Dr. Laldawngliana Sailo chuan COVID-19 chu theihtawp chhuaha kan do chung pawha kan do hnehloh a ni tih sawiin, chumi dona hmanraw pawimawh tak chu hri danna laka ni tih a sawi a, hri danna la thei chin te chu la vek turin a sawm bawk.

I&PR Director in zankhat riak turin Serchhip District a rawn tlawh

Mizoram sawrkar-a Information & Public Relations Department Director, Lallianpuii chuan zan khat riak tura Serchhip tlawhin nimin khan Serchhip-a District Information & Public Relations Officer (DIPRO) Office leh Serchhip Press Club te a tlawh.

I&PR Director hi DIPRO Office-ah lo lawmna neiin he hunah hian Serchhip DIPRO, K. Saitluanga chuan I&PR Director, Lallianpuii chu Serchhip-a DIPRO hmasa ber a nih thu leh hetianga Director a nih hnua District a tlawhchhuahna hmasa a Serchhip District a tlawh chu lawmawm a tih thu a sawi a ni.

He hunah hian I&PR Director, Lallianpuii chuan kum 2005 khan Serchhip-ah hian DIPRO hna a lo chelh tawh thu sawiin, Serchhip-a he hna a chelh leh tun inkar-a Serchhip khua leh an Department in nasa taka hmasawnna an nei chu lawmawm a tih thu a sawi a. Kum 2019-a I&PR Department Director hna a chelh hnuah District hrang hranga an Office leh MJA te hmunhma tlawhchhuah chu a ngaih pawimawh thu sawiin, amaherawh chu nikum kumtir lam atanga hri leng avanga harsatna a thlen hnuah zinchhuahna lam chi te tih theih a nih loh hnuah tunah chuan hri leng in ziaawm lam pan hnua a hmasa ber atana Serchhip District a tlawh chu amah pawh a lawm hle tih a sawi a. Hri leng karah I&PR Department chuan nasa taka hna an thawh thu pawh sawiin, hri avang hian sawrkar Pisa kai loh te an neih ve loh bakah mipui ten hri leng chungchanga an hriat tur thil pawimawh hrang hrangte ngawrh taka an puanzar zawk thu a sawi bawk.

I&PR Director chuan an Department leh MJA ten thawhhona tha tak an neih thin thu sawiin, Serchhip-ah pawh thawhhona tha tak an nei chu lawmawm a tih thu a sawi a, Serchhip in DIPRO tha tak leh hna thawk nasa, tih tak tak-a hna thawk thin an nei chu an lawm hle tih a sawi bawk.

He hunah hian MJA Serchhip District President, Kapliana Pachuau pawhin I&PR Director in Serchhip District a rawn tlawh chu lawmawm a tih thu a sawi a, Serchhip-a I&PR Department a awm theihna tura MJA ten hma an lo lak tawhna te sawiin, tunah hian DIPRO Quarters kan mamawh thu a sawi bawk.

I&PR Director hian nimin chawhnu lam khan Serchhip Press Club tlawhin MJA Member te nen inkawmna an nei a, tlai lamah Serchhip khawpui chhung hmun hrang hrang fangkualin tukin hian Serchhip Zawlpui phai a tlawh leh dawn bawk a ni.

Comments

Chhiar Hlawhte