Latest News

Aizawl-ah Fire Prevention Week hawnna neih a ni

Mizoram pumah kangmei laka inven a pawimawh zia inzirtirna hun, Fire Prevention Week chu nimin khan a hawnna neih a ni a, Aizawl ah chuan Chief Secretary, Lalnunmawia Chuaungo chuan he Hapta hi a hawng a ni.

ATI Auditorium-a he Hapta hawnna inkhawm ah hian Chief Secretary chuan Mizoram chu India state te zinga ramngaw nei tha pawl ber anih laiin ramvah leh thingkih-a Lo leh huan siama eizawng an la tam avangin ram hi a bua telh telh a, Lo atana kan vah bak ram pawh a kang fo thin a, chu bakah fimkhur loh avangin ramkang pawh kan nei tam thin a, heng te hian ram hi a ti bua zual a ni, a ti a. Kumtin ram hal-a tlangram Lo neih dan a tlem zel nan a hmun sawn lova Lo leh huan neih, Settled Cultivation uar a nih theih nan Sawrkarin Wet Rice Cultivation te, Terrace Cultivation te leh adang te pawh a ruahman a mahse heti chungin tlangram lo neih dan hi kan bansan thei lova, chuvangin Kangmei Ven Hapta hi a pawimawh hle a ni, a ti.

Tun thla ni 13 thleng awh tur Fire Prevention Week hawnna huna tarlan a nih danin nikum chhung khan Mizoram hmun hrang hrang 1300 chuang velah kangmei chhuak nia chinchhiah a ni a, chung zinga hmun 210 chu ramngaw kang a ni a, a bak 1090 chu Lo leh huan kang te leh bawlhhlawh halna hmun te an ni a. Heng kangmei chhuak in a ram a tihchhiat leh nghawng chu hectare 3614 zau niin, hectare 289 chu ramngaw kang a ni.

Comments

Chhiar Hlawhte