Latest News

MNF Councillor thar te lawmna hun hmang

MNF Party chuan nimin khan Aizawl Municipal Corporation (AMC)-a MNF Councillor thar te lawmna hun hmangin MNF President, Zoramthanga chuan a hmanpui a ni.

Aizawl Vanapa Hall-a MNF Councillor thar te lawmna hunah hian MNF President chuan MNF Party chu ‘Pathian leh kan ram tan’ titu an ni tih sawiin, he thuthlung hi MNF chuan an kalsan a thiang lo tih a sawi. Covid zawhah hian malsawmna period a lo chhuak dawn nia a hriat thu sawiin, “Chumi hunah chuan mipate kan thih zawih zawih loh nan nasa taka hmalak a, ruihhlo ngaite tidam tura nasa taka enkawl kan tum a. Lei chung leh lei hnuai malsawmna te, van boruak malsawmna te Lalpa'n min pe dawn niin ka hria,” a ti bawk.

He hunah hian MNF Sr. Vice President, Tawnluia pawhin AMC mawhphurhna keng tlaka mipuiin MNF-te an ngai chu lawmawm a tih thu sawiin, “He sawrkar thar piang hi mi zawng zawng ta, mi zawng zawng tana siam a ni tih hre reng turin mipuite ka ngen a. He hnehna hian MNF leadership hi Mizoram mipuite hian kan la ring tawk tih a tilang a. Kum 2018 inthlan atangin inthlan awm hrang hrangah mipuiten MNF hnehna min neihtir zel a, a lawmawm tak zet a ni,” tiin ZPM leh Congress atanga thlantlin Councillor-te pawh MNF chuan a lawmpui tih a sawi a. “AMC hi sawrkarin a thuam chak zual zel dawn a ni,” a ti bawk.

Comments

Chhiar Hlawhte