Latest News

YMA in kawng siam enfiah

Tuichangral South Group YMA hruaitute chuan nimin khan an Group huamchhunga inkalpawhna kawngpui siam mek thenkhat te chu a hmunah kalin an enfiah.

Tuichangral South Group YMA hruaitute hian NABARD sum hmanga North Vanlaiphai leh Chekawn inkar kawngpui KM 21-a thui laih mek chu tlawh hmasa berin PMSGY sum hmanga Chekawn leh Sialsir inkar kawngpui KM 6.5-a thui Blacktop hna thawh mek an en leh a, hemi hnu hian PMGSY sum hmanga KM 4.6-a thui Khawlailung leh Piler inkar kawng siam hna thawh mek bakah PMGSY sum bawk hmanga hnathawh KM 16-a thui Artahkawn leh North Vanlaiphai inkar kawng laih mek te pawh an enfiah bawk a ni.

Heng kawng siamthat hna thawh mek tlawhtu Group YMA hruaitute hian heng hna thawktu Contractor te kawmin an hnathawh mek dinhmun leh harsatna an tawh te an zawt a, huntiam chhunga hna thawh zo ngei turin an ngen bawk. Tuichangral South Group YMA hruaitute chuan an huamchhunga hmasawnna hnathawh hrang hrangte hi theihtawp in an enpui thin tih sawiin, hnathawktute nen pawh inpawh leh lungrual taka an thawhho thu an sawi bawk.

Comments

Chhiar Hlawhte