Latest News

Buk tlinglo bur 20 man leh

Serchhip-a eirawngbawlna Gas sem tur nimin-piah-a endikna ah buk tlinglo bur 60 hmuh a nih hnuah nimin khan buk tlinglo hi bur 20 hmuh belh leh a ni.

Serchhip-a Legal Metrology Inspector, Johny Zonunmawia hnen atanga thu kan dawn danin niminpiah-a eirawngbawlna Gas sem tur an enfiah atanga buk tlinglo 60 man a nih hnuah niminpiah-a enfiah hmanloh te chu nimin khan Serchhip-a Mizofed Office-ah enfiah chhun-zawm leh niin buk tlinglo hi bur 20 hmuhchhuah leh a ni a, buk tlinglo an hmuhchhuah zingah hian Kg. 5 vel laia tlinglo te pawh a awm nia thudawn a ni bawk.

Hetihlai hian Gas rawn phurtu Truck khalhtu chu nimin lamah a tlanbo nia thudawn a ni a, amaherawh chu he Motor neitu hi biak niin ani hian rawn buaipui zui a tum thu a sawi a ni.

Comments

Chhiar Hlawhte