Latest News

Chanchin thar thenkhat :

EF&CC Minister in hmanpui

Environment, Forest & Climate Change Minister, TJ. Lalnuntluanga chuan Champhai District-a Fire Prevention Week hawnna hun, nimin-a Kahrawt Field-a neih chu hmanpuiin Mizoram chu tlangram, nipui laia ro tak anih avangin chenna In leh ram kang kan tuar nasa a, Survey of India-in Satellite hmanga thla a lak atanga a landanin India rama State leh ram tikang nasa ber pawl kan ni, a ti a. Chhungkaw tam takin tlangram lo neih eizawnna atan hmang mahse buh leh thlai chinna atana vah nilo ram dang kang thin te kan ven a tul takzet a ni, a ti bawk. Minister chuan Champhai District chu ramngaw ti chereu chak leh kangmei chhuah tamna District anih thu sawiin, kangmei leh ramngaw chereu vanga harsatna thleng thinte sutkian anih theihna turin ‘Afforestation of denuded Hills in Cham-phai District of Mizoram’ Project siam nih thu leh NEC in tunhnaiah a pawmpui thu a sawi bawk.


Horticulture Fair lo chhim

National Horticulture Fair 2021 hawnna chu nimin khan Indian Institute of Horticulture Research (IIHR) hmunpui Bengaluru, Karna-taka State-ah neih a ni a, he hun hi Online hmangin KVK Khawzawl chuan an lo zawm a, KVK-a thawk te bakah Biate khua atanga kuthnathawktu thlanchhuah 20, Tomato leh Serthlum chingtute an tel a ni. He hunah hian IIHR thlai leh pangpar variety hrang hrang-te chhawpchhuah niin, kut-hnathawktu te’n an hlawkpui hle a ni. Biate khua a kuthnathawktute pual hian chawhnu lamah KVK Khawzawl buatsaihin Tomato chin dan training buatsaih a ni a, Dr. Malsawmkimi, Subject Matter Specialist (SMS) Horticulture, KVK Khawzawl chuan zirtirna a pe a ni.


Thil zuartu mi 3 man tawh

Siaha-a Legal Metrology Department chuan Zirtawpni kalta atanga nimin zing thleng khan Siaha khawpui a Insakna bungraw zuartute bukna hmanrua leh an hralh chhuahdan an endik a, dan dik lova zuar mi 3 an man tawh.


MNF Thalaite campaign

MNF Thalai ten AMC Inthlan Campaign beihpui, 'Sikpui Fehchhuah' an kalpui mekah nimin zing khan Ramthar (Sihpui)-ah Street Campaign nei lehin he hunah hian an President, Er. Lalrin-awmna chuan Party tin candidate te chu an tha em em vek tih a sawi a. Chutih rual chuan State sawrkar chu tu nge au eih ngam ang a, tute nge ngampa taka kan Chief Minister kawngka va kik ngam ang tih kan ngaihtuah a tul tih sawiin, sawrkarin chak taka thlawhhma a lakpui theih tur Councillor an pawi-mawh tak zet tih a sawi bawk.


Pawl 2 in tanlak ho remti

Central YMA hruaitute chuan nimin khan Mizoram Road Builders Association-te chu kawmin Mizoram-ah inkalpawhna kawngpui tha kan neih theih nana hmalak dan tur an sawiho a, heng pawl pahnih hruaitute hian Contractor hming hawha hnathawh in hna a tih-chhiat theih avangin, Contractor hming hawh chu titawp tura tan lakho remtih a ni. Central YMA chuan kawngpui tha kan neihna tura Sub-Hqrs/Group/Branch YMA-te hmalakna ah lawmthu an sawi bawk a ni.

Comments

Chhiar Hlawhte