Latest News

Champhai-a hmasawnna hnathawh mek enfiah

Champhai North bialtu MLA leh Health & Family Welfare Board Vice Chairman, Dr. ZR Thiamsanga chuan nimin khan Champhai tlawhin hmasawnna ruhrel siam mek hrang hrangte leh hmachhawpte a enfiah.

    Dr. ZR. Thiamsanga hian Non-Lapsable Central Pool of Resources (NLCPR) sum cheng vbc. 19.88 hmanga Champhai Keilungliah Lui khuah hna thawh mek, Construction of Dam Reservoir and Development of Recreation Centra at Champhai tlawhin hmalak tawh chin leh hmachhawpte a enfiah a. Champhai New Market (CHANEM) Building-a Urban Primary Health Centre (UPHC) bunfel tur hmunhma pawh tlawhin, Casualty, Nursing Station, Lab, Examination Room, MO Room, Ward, Dressing room leh a dangte awm theihna tur chu Official leh khawtlang hruaitute nen an enfiah a ni. Hei bakah hian CHANEM Ground Floor-a Sumo Stand siam dan tur leh UD&PA kaltlanga District Hospital Road Vengsang tihzauh dan turte a enfiah bawk.

Comments

Popular News (Last 30 Days)