Latest News

Saitual-ah DAO leh FOCUS Office hawng

P&E Minister R. Lalzirliana chuan nimin khan Saitual District tana Pisa thar, District Agriculture Officer (DAO) Office leh District Management Unit, FOCUS Office te a hawng.

Heng Office thar hawnna puala inkhawm Keifang Venghlun Branch YMA Zawlbuk-a neih ah bialtu MLA ni bawk, R. Lalzirliana chuan District thar thuam leh chei chu vawi lehkhat-a tih theihloh a ni chungin hripui leng karah pawh a theih ang angin Sawrkarin a tuamhlawm tih sawiin, heng ah te hian mipuiin lawm nachang kan hriat a pawimawh thu a sawi a. Kum khat awrh chhungin District Urban Development Officer (DUDO) Office te, DEO leh Samagra Office te, DHO Office te hawn a ni ta te, DC Complex sakna tur sum te chu dahin a lung pawh phum a ni te chu lawmawm a tih thu sawiin, midangte awt mai lovin lungrual takin hma lam panin hna thawk zel turin a chah bawk. 

P&E Minister chuan Saitual District-ah Sial vulh lamah hma lak nise a duh thu a sawi a. Thing leh Mau chereu a vei thu sawiin, FOCUS in sik leh sa inthlak danglam karah loneih chu a thupui pakhat anih angin ramngaw neihsa tichhe lo zawnga lo neih leh hmalak mipuite an zirtir ngei a beisei thu a sawi bawk.

DAO, Saitual District leh FOCUS Saitual-a District Management Unit (DMU) hotu atan B. Lalhmuchhuaka MAS chu dah a ni a, amah bakah FOCUS Staff Champhai aTanga siksawi leh a thar, an vaiin mi 18 te hi FOCUS Office tharah dah an ni a. Office pahnih te hi Keifang Tribal Girls Hostel building-ah dah lailawk an ni.

Comments

Chhiar Hlawhte