Latest News

Khawzawl-ah DAO Office leh FOCUS Project hawng

Deputy Chief Minister leh Tuichang bialtu MLA, Tawnluia chuan nimin khan Khawzawl Electric Veng-ah District Agriculture Officer (DAO) Khawzawl Pisa thar leh Khawzawl District-a kalpui tan tur FOCUS Project-te a hawng.

    Heng Pisa thar hawnna puala inkhawm Zaingen Veng YMA Hall-a buatsaih ah Deputy Chief Minister chuan District naupangte Khawzawl-a DAO Office leh FOCUS Project hawn thar a ni chu lawmawm a tih thu sawiin, thahnemngai taka thawktute a fak a. International funding project duhawm tak Mizoram-in a nei thei chu vanneihthlak a tih thu leh a taka kalpui anih theihna kawnga hmalatu Agriculture Minister leh thawktute chungah lawmthu a sawi bawk.

He hunah hian Khual zahawm Agriculture Minister, C. Lalrinsanga pawhin Mizoram District thlan hmak sak 4 te belhchhah tura UNO in Khawzawl leh Saitual District-a FOCUS Project kalpui a remtih avangin District pahnihte a lawmpui thu a sawi bawk. DAO Khawzawl District & District Project Manager, FOCUS atan Vanlalthlamuana, MAS chu dah niin FOCUS Staff 17 an awm dawn a, khaw 28 an enkawl dawn a ni.

Comments

Chhiar Hlawhte