Serchhip-ah Heroin man leh

/

Serchhip Police te chuan Inrinni khan Serchhip Bazar-ah Heroin No. 4 gram 10.83 manin hemi kaihhnawih ah hian mi 2 man an ni bawk.

Thudawn danin Serchhip Police te hian Serchhip-ah Heroin No. 4 inhlanchhawng tur an awm nia an hriat an bawhzuina kal zelah Inrinni chawhma lam khan Serchhip Bazar-ah Amosa Lalruatfela (18), Serchhip Ramthlun Veng nia insawi chu ringhlel in a bag an enfiahna ah Heroin No. 4 an man te hi a lo awm a. Amosa Lalruatfela hi Serchhip Police Station-ah thu zawhfiah tura lak nghal niin Police te hnenah a Auto Rickshaw chu Lalnunrema, Serchhip IOC Veng hnenah a hralh thu leh Rs. 30,000/- leh Heroin Hawng khat hian a hralh thu a sawi a. Inrinni zing khan damdawi hi an inhlan tih sawiin, Lalnunrema pawh hi thu zawhfiah turin Police te hian an man nghal a ni.

Thudawn danin Inrinni-a Heroin No. 4 an man hi Cane 40 ni tura chhut niin Cane khat hi Rs. 5000/- vela hralh tur niin Cane 2 chu an lo hralh hman a, a vaiin tualchhung hralhna rate-ah chuan cheng nuai 2 man vel nia chhut a ni a, heng damdawi leh a kaihhnawih a mihring man te hi Inrinni khan Court-ah hruai nghal an ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »