Nikum chhungin Serchhip District-ah ILP 294 pekchhuah niin 353 tihnun thar a ni

Nikum (2020) chhung khan Serchhip DC Office atangin ILP pekchhuah thar 294 leh a hlui tihnun thar 353 awmin heng atang hian Chhiah Rs. 9,93,900/- hmuh niin hri leng avanga inkharkhipna kalpui nasat lai, April thla chhungin ILP pekchhuah leh renew a awmlo a ni.

Serchhip DC Office atanga thu kan dawn danin nikum chhung khan kumtir lamah ILP pekchhuah hi tam mah se hri leng avanga Mizoram in harsatna a tawh hnuah erawh ILP pekchhuah zat hi nasa takin a tlahniam thung a, nikum chhung zawng khan ILP thar pekchhuah 294 awmin ILP thi tur tihnun thar 353 a awm bawk a ni. Nikum chhung khan February thla ah ILP thar pekchhuah tam berin 97 pekchhuah a ni a, ILP Renew tam ber thla July thla ah ILP 56 Renew a ni bawk a ni. Nikum January thla ah Serchhip District atangin ILP thar 36 pekchhuah niin Renew 14 a awm bawk a, February thla ah ILP pekchhuah thar 97 awmin Renew 18 a awm bawk a, March thla ah ILP 60 pekchhuah niin Renew 52 a awm bawk a, hri leng avanga harsatna a thlen hnu April thla ah ILP pekchhuah leh Renew awm lovin May thla ah ILP 12 pekchhuah leh niin Renew 36 a awm bawk a ni.

Nikum June thla ah mi 9 te chu ILP pekchhuah niin ILP 28 renew a ni thung a, July thla ah ILP thar pekchhuah 4 leh Renew 56 awmin August thla ah ILP thar pekchhuah 16 leh renew 54 a awm a, September thla ah ILP pekchhuah thar 18 leh tihnun thar 52 a awm a, October thla ah ILP thar pekchhuah 13 leh tihnun thar 28 awmin November thla ah ILP pekchhuah thar 25 leh tihnun thar 8 a awm a, December thla ah ILP thar pekchhuah 4 awmin tihnun thar 7 a awm bawk a ni.

Serchhip DC Office-a thawktute chuan ILP pechhuak tur hian a thar leh a hlui tihnunna ah hian pakhat zelah Security Deposit Rs. 2000/- a ngai tih sawiin, hei hi nikum February thla atangin Home Department in a tihsan thu an sawi a, ILP nei tawh, a nun hun chhung a tawp avanga Renew ngai te chuan an ILP a thih atanga ni 7 chhunga an renew a ngaih thu leh hei hi an renew lo a nih chuan an ILP hi a thih thu sawiin, an nei leh duh a nih chuan a bul atanga an buaipui a ngai tawh tih an sawi a, ILP a thih rual hian Security deposit pawh a thih nghal thu an sawi bawk a ni.